إتخيلو معاي
● كل المنظمات والروابط والمبادرات و أيّ حاجة بتاعة عمل عام أو طوعي أو تطوعي كدة قرروا إتّحدوا..
إتخيلتو؟
حلو 😊 😊
● الحاجات الفوق الإتوحدت دي أول شئ قالت ح تعملو: إنّو يختّو دساتيرهم وهيالكهم التنظيمية والضوابط والمحددات بغض النظر عن اسمها الكانو شغالين بيها؛ جنب بعض كدة؛ ويطلعو منها حاجة واحدة كدة زي we the people إعلان الدستور بتاع أمريكا كدة 😊
إنّو بعد عملو الدستور الموحد أو الهيكل التنظيمي - أو وات سو إيفر - الموحد ده؛ قامو قالو أعمالنا دي نوحدها:
يبقى:
البطاطين حقة الشتاء؛ كسوة الشتاء وللا الصيف؛ حملة فضي دولابك وقديمك جديد عند غيرك.. إلخ؛
التبرعات العينية والنوعية والمادية .. إلخ؛
الدورات التثقيفية والتدريبية.. إلخ؛
النشرات والمحاضرات التوعوية.. إلخ؛
أي حاجة بتتعمل كجزو من إنجاز مجموعة أو رابطة أو منظمة أو جمعية أو مبادرة أو أي منظومة مجتمع مدني تاني..
( أحيييي نفسي قام 😓 😓 .. المهم ) ..
أها ديل كلهم كدة إتوحدو..
...........
إتخيلتو؟؟ 😔 😔
جميل 😊
متخيلين بقى إنو الجهود دي كلها الموزعة دي ح تكون منظمة كيف؟
يبقى المايقوما ودارفور و..... كل المناطق المحتاجة وكل الفئات المتعففة.. ح يوصلها مساعدات بصورة واعية مدركة لإنو وين النقص ووين الحوجة وممكن تتكفى كيف وتتنظم كيف...
..........
التنظيم ده كلو ليه؟
عشان:
ما ح يكون في حتة اتدبلت ليها المساعدة في آن واحد
الحتات كلها اتكفت
منظمات المجتمع المدني قامت بدور حكومي وتنظيمي وحاجات كتارات
المجتمع بقى واعي بإحتياجاتو وإنو ممكن يغطيها كيف بوعي ومن مجتمع تنموي بقى مجتمع منتج
طيب ينفع يتوحدوا؟؟؟
٢٨ نوفمبر ٢٠١٥