...
عندما يتصل أحدهم بك فهو يعني: إشتقتك.. أين أنت؟
عندما يزورك أحدهم فهو يريد القول: حياتي من دونك لاطعم لها..
يبقى مافي داعي للوم..
ضرب ليك تلفون يبقى عايز يقول ليك بحبك..وللا مشتاق ليك وللا ياخ إزيك..
حتى لو ماقالها عديل وقال ليك كيفك ياخ وللا وين ياإنت..
حتى لو قال بس ازيك..
لو عايزك تلوموا ما ح يتصل أصلا ولا ح يدق بابك..
لو عايزك تلومو كان إناظرك إنت تواصل ماتتصل وماتزورو وما تتذكرو الا مع روحك وكان برضو قال : ماهو مامتذكرني ليه امشي ليهو أنا؟..
مادام جاك..
ما تلوموا..
ماتلوموا وتندموا انو جاك..
بحصل شنو لو مالمتوا وقلت ليهو والله ازيك انت زاتك.. وللا مشتاقين وللا يومي من غيرك ماسمح وللا يومي بقى هسه سمح بيك؟؟
بحصل شنو لو لمتوا ع خفيف مثلا وينك ياخ وللا مالك مختفي؟
اللوم الما مبرر بطفش زولك منك..
بفتكر إنك ما شغال بيهو وقاعد ليهو في العزيزة و بتتلكك وعايز عذر تطفشوا..
حبة لوم سمحة ..
حبة عتاب مبلوعة وبتوري انك مشتاق ومحتاج وفاقد حنين..
اللوم الكتير بطفش أي زول وبقول ياخي ده ح يلومني اخير مااسال منو والمسافات ح تكبر والناس ح تكبر منك اللفة..
ماتلومو زولكم ياخ..
ادوهو حبة عذر
٩ يوليو ٢٠١٦