.......
مش النحات بيكون شايف الطين القدامو أو الحجر أو الشدرة عبارة عن الصورة العايز ينحتها؟
مش الرسام بيكون شايف اللوحة البيضاء القدامو وللا الخيشة وللا القماشة عبارة عن الصورة ال ح يرسمها؟
مش الكاتب بيكون شايف قدامو حروف الحاجة الماكتبها لسة؟؟
..حلو
..
برضو الحب ..
ما بيتشاف الا لمّن تشيل الحاجات الثانوية برة..
الملل..
الإنتظار..
توقع الاسوا..
التساؤل..
الشك..
الغيرة..
بكرة فيهو شنو ياربي..
ما بتعرفو الا لمن تتجاوز إنو القدامك فهمو شنو وللا بحبك وللا لا..
ما بيسمو ويبقى أفلاطوني كدة إلا لمن تكون ماشايف حاجة غير إنو قلبك بحِب..
...
بس..
لو ماالطين ماجات النحتة..
لو ماللوحة ماجات الرسمة
لو ما الحروف ماجات القصة..
يبقى لو ماالمحبوب ماجاك الحب
١٣ مارس ٢٠١٦