ما ضهبت

ما ضهبت أقول لقيتك

إنتي فى كل الخواتم والمياتم

والنجيمات والعواتم والمغنين المطاليق

ما حزنت أقول بكيتك

نحن فى حزن المخاليق ..

الفرح جاييك وعد

غنوة أولاد التحاريك

.....

غنيتها ليك..

ماعشانك..

عشاني..

عشان أخُت حبة أمل إنو الفرح جاييك وعد..

مش قال كدة القدال؟

لكن أنا مامتفق معاهو في ما حزنت دي..

أنا حزنت..

عارفة ليه؟

عشان لمن أفتشك جواي بقيت ما بلقاك..

عارفة أسوأ من الغربة البقولوها الطلعو ديل شنو؟

إنك تحس إنك غريب جواك..

إنك ما ياكا..

ماعارفك..

يللا لمن أصل للحتة دي كل مرة بقوم أغني ليك عارفني منك..

حصل مرة لاحظتي إنو القدال بوصلنا لصلاح؟؟

كيف أنا زاتي ماعارف..

طيب خليك من ده كلو..

وتعالي اسمعي أمونة دي..

وأبقي أمونة ..

وخليك عارفاني منك

٣٠ مايو ٢٠١٦