- إذا في زول قال سوري يوم القيامة للناس على الغلطات العملها ح يدخل الجنة؟
- إذا قالو ليهو اوكي ايوة..
- هم ح يقولو اوكي؟
- غالبا.. لأنو ربنا ح يقول ليهم لو سامحتوهو كل واحد عندو قصر هناك.. ف ح يقولو ياسلاااام أيوة سامحناهو ويسمعو كلام ربنا
- و إذا ماسامحوهو
- ماعارفة.. بس ربنا رحيم غالبا ح يخليهو يسامحهم.. في حد يدوهو قصر يقول ماعايز؟
- طيب واذا كان قتل ناس كتيرين ح يدخل الجنة؟
- غالبا ايوة
- كيف لكن 😨😨
- ربنا قال أي حاجة غير الشرك به مغفورة.. ربنا رحيم .. يللا ح يسأل الناس إنو مسامحنو زي ماقلت ليك.. بس القتل عموما حاجة كبيرة ربنا ح يعاقبو أول
- ح يدخلو النار و ح يخلي جلدو يطلع والاسكن يبقى براون ويطلع يدينو منو و ح يخليهو مايشوف..
طبعا قال الكلام ده وهو مستمتع كدة أداني احساس إني بحضر فيلم رعب
- إنت مفتكر ربنا بحب يعذب الناس؟
- أيوة
- ليه؟
- لأنو هو خلاهم يفكرو يقتلو
- لا.. هو ماخلاهم يفكرو يقتلو.. هو قال ليهم مخكم ده فيهو حاجات واحد اتنين تلاتة كويسة وغيرها كعبة.. وراهم الطريقين.. هم إختارو
- لكن هم شريرين لانهم إختارو يكونو كدة
- أيوة
- طيب إذا قلت لربنا عايز أشوفك في الجنة ح يجيبك لي؟
- أيوة
- ربنا حلو كيوت أنا بحبه ييييس لايك ياماما
...
٣ نوفمبر ٢٠١٥