- ماما البوليس خت شنو في العربية ديك؟
- خت استيكر مخالفة
- ليه؟
- واقف غلط سادّي الشارع الناس ماقادرة تمشي
- بس هو نزل يجيب عيالو من المدرسة
- مامبرر.. هو نزل.. غيرو مانزلو بسبب وقفتو الغلط دي..
- طيب ح يعمل شنو لمن يلقاها؟
- يمشي يدفع قروش في البوليس
- وإذا مادفع؟ وقام طلعها وقال ماشافها؟
- اسمو قاعد عندهم عارفنو مادفع ما ح يخلوهو
- طيب وإذا غيّر عربيتو؟
- ح يقولو ليهو عربيتك الفاتت فيها استيكر مادفعتو
- ح يعرفو كيف؟
- عندهم رقم العربية واسمو ومحل هو ساكن
- وإذا غيّر بيتو؟
- ح يعرفوهو
- وإذا سافر برة البلد؟
- ما ح يخلوهو ح يمسكوهو في المطار
- وإذا سافر بحتة هم ماعرفنها
- ح يقبضوهو في الحدود
- الحدود فيها سور؟
........
١٩ نوفمبر ٢٠١٥