- ماما شوقي قال..
- معاكم زول اسمو شوقي؟ 😨 😨
- لالا.. ده احمد شوقي بتاع القُبّرة
- القُبّرة دي منو؟ 😨
- ماعرفتي أحمد شوقي معناتها ما ح تعرفي القُبّرة 😑😑
- أنا مابعرف احمد؟ 😨😨
أنا؟ 😠 😠
إنتو بتعرفو؟.. خلاص طيب بتعرف جبران وللا طوقان؟ 😒😞
- أيوة طوقان جابو لينا في ال exam إنو القال القصيدة هو وللا أحمد 😀😀
بسعادة كدة قالها😕
- ياإبني أحمد ده عندو الشوقيات
- نطت البت: أنا عارفاهو أيوة قال بتاعة الشجرة ديك
- لو سمعكم كان إنتحر.. المهم أحمد ده قال قم للمعلم.. رسولا
- رسولا يعني زي بروفيت محمد؟ 😨 😨
- لا قصدو قرررررب اولموست يعني كدة ماإنو أي بقى
- أسسسسستغفر الله العظيم ياماما.. كدة غلط 😨😨
- إتجاوزتهم وقلت: بس رد عليهو طوقان لو بتذكر صاح.. وقلت بتاعة أقعد فديتك هل يكون مبجلا ديك..
- ماما هو كان واقف قدامو؟
- لا
- بس قال ليهو أقعد
- دي كناية عن انك كدي روق.. زي أصبر كدي دقيقة ويت ا مينت يامان..
لمن غلبني قلت ليهم: طبعا كاتب حاجة جميلة عن قيس وليلى
- منو قيس وليلى؟
- ديل إتنين بحبو بعض وأهلهم أبو يعرسو ليهم
- ليه حرام عليهم
- الزمن داك كان التصريح بالحب في الشعر غلط
- هو قال شنو في الشعيرية؟
- اسمو شعر.. بوووووومس .. المهم.. شكر ليلى وقال ليها عيونك سمحة
- هو كان البوي فريند بتاعها؟
- لا
- طيب مش البوي فريند حرام؟
- أيوة.. بس ماهو ماكان البوي فريند
- مش قلتي بحبها؟
........
لا تعليق.. غلبني
١١ نوفمبر ٢٠١٥