ماما ما حلو الواحد يمرض
- أنا راجعة من المستشفى مافهمت زاتو قال شنو فقلت امممممم
😏
- طيب حلو من ربنا أننا نمرض؟
- أنا بديت أركز فقلت: أممممممم؟
😓
😨
😵
- طيب ربنا بحبنا؟
- أنا ركزت خالص: أيوننن أكيد 😑
- طيب ليه نمرض إتس نوت فني ولا إنجويابل ( ماظريف ولا ممتع زاتو.. اااي ترجمت لام رويحتي دي
😢 )
- أنا صحصحت عديييل وكنت سايقة متكئة فجلست عديل 😑😑: ياإبني شوف إذا كانت الحياة دايما جميلة ورايقة وإنت دايما كويس وممتاز وما مرضت وشلت قروش كل يوم عايز تشتري من برة وأمورك ظابطة وماعيان خااالص.. ح تعرف كيف إنو دنياك حلوة كدة لو مامرضت؟ ح تحس بطعم الأكل كيف جميل لو ماإتحرمت منو؟ ح تسأل كان إنو في ناس مساكين عيانين ماعندهم دواء؟ وإنهم بلقوهو وللا لا؟ ح تسأل كان حتى من إنو في ناس مساكين ماعندهم حق الأكل العادي خليك من يشترو من برة ويعيشو إنجويابل لايف ممتعة خالص حياتهم؟؟ ح تحس إنو الحمد لله ربنا أداك وأنعم عليك وتحاول تفتش تساعد كيف؟ كان ح تقول عايز أدّي زول مسكين مريض حق أكل وللّا علاج الليلة؟؟
……..
٢٥ أكتوبر ٢٠١٥