- ماما ليه مابحبو السودانيين؟
- منو هم؟ 😨
الناس كلهم.. إحنا الينتس؟ Alients ( كائنات هلامية دي الترجمة)
- لا إحنا بشر
- طيب ليه مابحبونا؟ صاحباتي لما أقول أنا سودانية بيقولو مايتكلمو معاي
- لانهم مابفكرو.. مش كلنا خلقنا ربنا؟
- بس هم ليه مابحبونا؟ إحنا ماعملنا ليهم حاجة.. عشان لوننا بلاك؟
- لا.. هم بحبوك بس ماعارفين يقولو كيف غالبا إنتو اتشاكلتو عشان كدة قالو ليك كدة
- قالت كلام كتير عن لونها وشعرها وحاجات مابتذكرها
- طيب شفتي؟ هم حلوين بس لما يتشاكلو بزعلو.. إنتي عمرك كم ياخ اصلو عشان تفكري بحبوك وللا لا؟
- هنا كانت مدمعة ما ردت
- عايني إنتي حلوة.. أحلى منهم لأنو قلبك طيب.. ماتشتغلي بيهم ح يعرفو إنهم غلطانين.. ماعشان سودانية وبس لا عشان إنتي إنسانة حلوة..
...........
٨ نوفمبر ٢٠١٥