كوني أنا

شغالة أغنية:

كوني أنا.. كوني أنا..

كوني عذابي والهنا

كوني فرحي كوني همي

مرة نسيني ومرة اهتمي فيي أنا

....

- ماما مافهمت هو بقول في شنو

- قال ليها ماتزعلي مني

........

كوني الماضي وذكرياتي

كوني أقرب مني لذاتي

كوني أنا كوني أنا….

كوني قلب بيوفي بوعدو..

.......

- قال شنو؟

- قال ليها أفهميني بقول في شنو وخليك قريبة مني

- he broke up with her

- 😨😨 أومق لالا

- طيب ليه زعلت خلتو؟

- مازعلت هي

- مش قال ليها ماتزعلي؟

-😅😅 أيوة بس قاصد لو زعلت تتذكر إنو بحبها وكدة

....

لحظة صمت بعدين:

- ماما أنا عرفتو ليه بقول سوري

- ليه؟

- عشان دي أمه ما القيرل فريند وهو زعلها لأنو ماممكن يقول الكلام ده لحبيبتو.. أو زوجته.. معناها أمه

- أنا عملت " ف بهت الذي سمع " وسقت سواقتي والأغنية مواصلة:

كوني حبي الما في بعدو..

ما في بعدو..

ما في بعدو..

ما في بعدو..

كوني قلبي بيوفي بوعدو..

٢٨ أكتوبر ٢٠١٥