- ماما عايزة أقرأ كتابك
- طيب
- الغلاف رسمتيني معاك لأنو زي شعري بس إنتي توبك حلو وبابا رقبتو طويلة .. جودا وينو؟
- هه؟ 😨😨 جودا مافي أيوة 😨
- أنا بعرف أقرا.. أقرا ليك الأول؟
- أقري
........
- طيب أحكي لي منو قصة
- قلبت الشي القدامي ده وقدر حاولت أتذكر ياتو قصة تنفع تتحكي لطفلة غلبني.. قلت ليها: القصص موجعة
- ليه طيب كتبتيها؟
- عشان أنقل واقع
- حصلت هي لناس؟
- أيوة
- طيب أقري لي وللا بقرا براي
- فتحت زولة اسمها هالة وبديت أحكي
- عندها كانسر زي ماما لوللا؟
- 😢 😢
مارديت وواصلت
- هار هوسبند شرير ياماما
- همممممم
- حرام يكون في زول شرير كدة
..........
ختيت الكتاب.. قلت ليها:
للأسف الواقع كدة.. كمية من الناس موجوعة كدة
- الدكتور زاتو شرير
- الدكتور عندو عيانين تانيين كان
- برضو لازم يشوفها كويس مش يعمل ليها كدة
.......
يابتي يوم من الأيام لمن تكبري ح تعرفي يعني شنو طبيب في بلد موجوع
١١ نوفمبر ٢٠١٥