.....
تعرف حبيتك متين؟
لمن كنت لسة في عيون ابوك وامك غرام..
تعرف عرفتك حقي متين؟
لمن كنا هناك في عالم الارواح..
يمكن نتلاقى ويمكن لا في عالم الاجساد..
بس ملامحك عارفاها..
حافظة خط يدك.. تجاعيد عيونك..
صرة حواجبك..
شيب قبال يكون في شعرك..
حافظة صوتك كيف وتر نغمو ح يكون قبل مايكون حقك..
يبقى هنا تعال اكلمك..
خط سيرك وخط سيري يمكن ما يتلاقو..
خطوات مشيك وخطواتي يمكن يتعاكسو..
بس عاين لكمية الحاجة الختيتها جواي وختيتها جواك..
وتعال..
تعال نفرح حبة بس..
حبة قبل الخطوط تفقد موازاتها وقبال ما لمن أتلفت ماأشوفك..
ممكن نفرح؟
١٨ أبريل ٢٠١٦