حضرة

......

يلاا مرات كدة بتكونو صانين..

زي إستراحة المحارب البقولوها ديك..

أيوة صانين كدة وشكلكم هادئ كدة ومرات كمان مضبْلن..

بس من جوة كمية الصخب والجوطة بتكون عاملة زي درويش في نوبة..

فبتكونو دخلتو حضرة..

أيوة زي ما بقول ليكم..

يبقى الناس الحولكم ياإما يبقو دراويش ويستمتعو بالنوبة الداخلية العندكم إنتو وماظهرت دي..

ياإما إنتو كمان توروهم إنو في نوبة ..

ياإما بقى ينتظروكم تخلصو جوطتكم دي وتخشو حضرة وتطلعو منها..

يللا الناس ممكن ماتنتظر مش كدة؟؟

أياً كان منو ( الناس ) ديل..

ما هم كمان برضو بجوطتهم ونوبتهم وحضرتهم؛ وللا شنو؟

أجمل حاجة بقى لمن نوبتكم ونوبة زول تاني تبقى نوبة واحدة .. لمن تكونو دراويش سوا ..

أجمل حاجة لحظة الوحدة في الحضرة دي..

عارفين أجمل من كدة شنو؟؟

إنو مافي زول يحكم على التاني إنو صانّي مالو ..

ما كمان تعالو صنّو معاهم أو صنّو جنبهم .. أو كمان ماتزعلو ياخ..

صاح؟؟

يمكن ماصاح.. لكن مش قلنا دي هضربة؟؟

٣٠ مايو ٢٠١٦