......
عارفين لمن تكونو بتحبو بحصل شنو؟
بتجي نجوم كدة من مافي في السماء المعكرة فوقنا دي وبتظهر وببقى لون السماء أزرق عز الليل..
اي والله جد 😑😑 حكمة الله عاد..
اهااااا والشجر المغبر ببقى لونو قنبجي 😍
والشارع الدقداق والمطين بتحسو مسفلت 😀
والزمن بمشي سرعة فجأة كدة 😕😕
اهاااااا ولمن تحبو بتظهر سماوات تانية ونجوم بألوان غريبة.. قنبجية كلها كدة 😀😀
اهااااا وأكلكم زيادة..
لو بت لو ولد بتلقو روحكم نضيفين وظريفين ونايرين وشبعانين
😂
😂
يعني الحب بدخلك في حالة إنت دايما مستحمي ومتريح عشان يمكن تجيك مرقة في الحلم مع زولك ده..
وبدخلك في حالة الغبار ما بصل طرف شبطك كدة 😀
وجيبك فجأة فيهو قروش
و فجأة كدة حجمك ببقى سمبتيك كدة وبتحس إنك خفيف الوزن.. كمان ماقدر كيس النايلون 😕 لكن برضو خفيف الوزن كدة زي ريشة هبطت من السماء على وجه القمر😀
يعني هبطت وطلعت تاني أظن لي 😀
….
ياخ حبو ياخ
١٩ أبريل ٢٠١٦