الدرة

أغنية

كان شايل الوانه

كان رايح مدرسته

وبيحلم بحصانه وبلعبه وطيارته

لما انطلق الغدر وموّت حتى براءته

سال الدم الطاهر على كراسته

من هنا بنقول أرضنا أرضنا دمنا أمنا

وإن مات ملايييين مننا القدس هترجعلنا 

.........

- منو ده؟

- محمد الدرة

- مالو؟

- قتلوهو الصهاينة اليهود

- ديل عفنين

- إنت بتعرف شنو عنهم؟

- ديل كانو عايزين يقتلو الرسول صلى الله عليه وسلم

- وتاني؟

- قتلو المسلمين غشاشين هم

- طيب ..

قفلت الأغنية..

- شوفو..

لحظة صمت..

اليهود ديل ما بلد.. ما وطن.. ما شعب.. ديل ديانة زيهم زي المسيحية والإسلام..

بس لمّن هتلر؛

- منو؟

- هتلر ده واحد ألماني شايف الناس كلها تحرق بجاز

-يهودي؟

- خلوني أتم.. هتلر شايف إنو أي يهودي أول شي يتحرق بجاز بعدين يبعث للحياة عشان يتقطع بعدين تاني يشنقوهو.. المهم هو إحتل كمية بلدان لحد مااتحدو ناس وقررو وقفوهو.. بعد إنتهت الحرب بينو وبين الكانو معاهو والضدو اليهود كانو بيساعدو الضد هتلر يفوزو قامو أدوهم قروش كتيرة وأسلحة ..

قام إتلمو بعد داك وواحد كدة اسمو بلفور لما الرؤساء والناس المهمين..

- رئيس السودان كان معاهم؟

- 😨 😨 عايش من الوكت داك؟

😨

😨

لالا ياخ 😅😅 المهم أسمعو..

قامو قالو ليهو عايزين بلد نعيش فيها لأننا مساكين كتلونا وحرقونا.. قالو قصص كتيرة روّجو ليها كويس

- هم كانو بعملو روج؟😕 عيب كدة هم بنات؟

- اللهم طولك ياروح.. لا 😑.. كنت بقول في شنو أنا.. أيوااا.

المهم دخلو فلسطين وقتلو أهلها.. إتخيلو تكونو في بيتكم وقاعدين ويجي زول يقتل ناس بيتكم.. لاقدر الله..

- مش كانو يقولو ليهم أدونا أكل بدل يقتلوهم؟ كانو يقولو ليهم عايزين نقعد جنبكم.. أصلا ليه يخلو بيوتهم ويمشو هناك؟

- همممممم مشو عشان قالو فيها هيكل سليمان..

- النبي؟

- أيون.. المهم من الناس القتلوهم محمد ده.. بس صادف كان في مصور عشان يصورو بدل مايموت زي الباقيين الماتو.. من وقت بلفور لحد محمد الدرة الناس ديل عرسو وولدو.. قام جزو من أولادهم قالو البتعملو فيهو غلط وديل يهود عاديين مؤمنين بربنا بس مامؤمنين بسيدنا عيسى وسيدنا محمد عليهم السلام .

- يبقى ماحلوين هم

- إتجاوزت الحتة دي وواصلت😑

المهم في واحدين تانيين قالو لا العالم حقنا كلو و أي زول مايهودي مابستحق يعيش

- حتى السودان وأمريكا؟

- مافهمت دخلتوهم كيف سوا.. بس أيون..

ديل ياهم الصهاينة.. يهود صهاينة.. ديل البيقتلو ..

- طيب وينو الفيديو شغليهو نشوف

- ما ح أحكي حصل شنو لمن شافوهو.. هاكم باقي الغنية المشيت بردد فيها و أنا غمرانة😑

ومد بخوفه إيديه يحمى بعمره ضناه

واما إرتعش جسد الطفل وبقى فى إيدين الله

بكت العذرا الأم وصرخت قالت يا ولداه

عاش الظلم المر الغادر

سقط العدل ونام

٢٩ أكتوبر ٢٠١٥