.......
- ماما ربنا قاعد وين؟
-في السماء
- هي نفس السماء الأحمر البتقولي ماشة ليهو؟
- مالك كاتلني؟ 😨 بري ما ياها ولا شي.. دي سماء تانية
- طيب السماء بتاعتو قريبة للسماء الأحمر؟
- لا
- السماء الأحمر مش فوق؟
- ده مكان هلامي كدة ما حقيقي
- ليه بتمشي مكان ماحقيقي 😨 ؟ انتي كذبتي يعني ومامشيتي حتة؟
- سؤالك كان شنو عشان أنا طشيت 😕
- ربنا وين؟😑
- الإجابة البقولوها للشفع الما لواييق إنو في السماء.. نوعك ده بقول ليهو الإجابة الحقيقية إنو في أي مكان موجود😑
- أي مكان كيف يعني؟ 😨
-كدة ده بس 😑
- يعني شنو لايوق؟ 😵
- يعني جنس البتسوي فيهو ده.. بتحكها كدة لمن تجيب الدم 😷
- ماعندي حساسية أنا ياماما لكن 😯
- عاين.. ربنا موجود في كل مكان .. كدة خلاص؟😑
- طيب إنتي بتمشي وين لمن تقولي ماشة السماء الأحمر؟
- بمشي حتة بكون ماعايزة أقول ليك عشان ماتقول سوقيني
- بتمشي إجتماع؟
- أيوننننن إيييجتيييمااااع بالضااااابط كدة
- طيب عادي قولي زي مابتقولي ماشة إجتماع.. ما صاح تقولي السماء الأحمر
-😕😕
- هو لونو أحمر بجد؟
١٠ فبراير ٢٠١٦